د ایل کاجون ښار د ولسوالیو بیرته ټاکلو پروسه

په هرو لسو کلونو کې، ځایی حکومتونه د سرشمیرنې نوې ډیټا کاروي او د ولسوالۍ کرښې له سره ټاکي ترڅو منعکس کړي چې نفوس څنګه بدل شوی دی. د شورا مسوده 849 (2019) وایی چې ښارونه او کاونټیانې د غیر انګلسي ژبې ټولنو پشمول د عامه اوریدا او/یا ورکشاپونو په لاره اچولو او د عامه پوهاوي برنامو په ترسره کولو سره د ولسوالیو بیرته ټاکلو پروسه کې ټولنې ښکیل کړي.

د ولسوالۍ بیرته ټاکل څه شی دی؟

په هرو لسو کلونو کې، ولسوالۍ کرښې باید له سره وکښل شي ترڅو هره ولسوالۍ د نفوس له پلوه د پام وړ حد پورې سره مساوي وي. دا پروسه، چې د ولسوالۍ بیرته ټاکل ورته ویل کیږي، د دې ډاډ لاسته راوړو کې مهمه ده چې د هر ښار د شورا غړی د شاوخوا ورته شمیر تشکیل کونکي اجزا ولري. په ایل کاجون کې، د ښار شورا د شورا د ولسوالیو ټاکلو مسؤلیت لري. د ولسوالیو بیرته ټاکل د امریکا متحده آیالاتو د سرشمیرنې ډیټا په کارولو سره ترسره کیږي، کومه چې د 2021 مارچ 31 شاوخوا کې خپره شوې ده. د ایل کاجون ښار لپاره، د ولسوالیو بیرته ټاکلو پروسه باید د 2022 اپریل 17 پورې بشپړه شي.

د ولسوالیو بیرته ټاکل زما لپاره ولې مهم دي؟

د ولسوالۍ بیرته ټاکل مشخص کوي چې د شورا غړي ټاکلو موخو لپاره په ولسوالۍ کې کوم ګاونډونه او ټولنې سره یوځای شوي دي.

د ښار شورا به زموږ د ښار شورا لپاره د راتلونکې نقشې انتخابولو کې نظروه او تبصرې وغواړي. تاسې فرصت لرئ د ښار شورا سره شریک کړئ چې تاسې څه فکر کوئ د ولسوالۍ پولې باید څنګه وکښل شي چې ستاسې ټولنه په غوره ډول وړاندې شي.

تاسې پدې اړه نورو معلوماتو لپاره چې دا پروسه څنګه کار کوي د ښار سره په redistricting@elcajon.gov اړیکه نیولی شئ.

د شورا اوسنۍ ولسوالۍ څه ډول دي؟

تاسې د ښار د اوسنۍ شورا ولسوالیو نقشه دلته موندلی شئ:www.cityofelcajon.us/DistrictMap

د ولسوالۍ کرښو کښلو پرمهال به زموږ د ښار شورا کوم معیار وکاروي؟

د هغه حد پورې چې عملي او شوني وي، د ولسوالۍ کرښې به د لاندې معیارونو په کارولو سره کښل کیږي: (1) له جغرافیه ای پلوه سره نښتې ولسوالۍ (د ښار شورا هره ولسوالۍ باید د بلې سره شریکه پوله ولري)، (2) د ځایی ګاونډ یا ټولنو جغرافیه ای یووالی او ادغام باید پدې توګه په پام کې ونیول شي چې د هغوی ویشل لږترلږه شي، (3) د ښار جغرافیه ای یووالی باید پدې توګه په پام کې ونیول شي چې ویشل یې لږترلږه شي، (4) په اسانۍ سره د پیژندل کیدو وړ پولې چې طبیعي یا مصنوعي موانع تعقیب کړي (سیندونه، کوڅې، لوی لارې، ریل لیکې وغیره)، او (5) د جغرافیه ای تراکم هڅولو لپاره باید کرښې وکښل شي. علاوه لدې، پولې باید د کومې سیاسي ډلې په ګټه یا پروړاندې د تبعیض موخو لپاره ونه کښل شي.

زموږ د ښار شورا به د ولسوالیو بیرته ټاکلو په اړه خلک څنګه خبروي؟

د ښار شورا به د ولسوالیو بیرته ټاکلو پروسې په اړه خلکو ته معلوماتو ورکولو لپاره ځایی رسنۍ وکاروي. همدارنګه، موږ به د ولسوالیو بیرته ټاکلو پروسې په اړه د ټولنې بیلابیل ډوله ډلو خبرولو لپاره د ښه نیت له مخې هڅې وکړو. زموږ عامه اوریدا برنامې به په اړوند ژبو کې وړاندې شي که چیرې اوسیدونکي واردمخه غوښتنه وسپاري. د ښار شورا به خلک د ولسوالیو بیرته ټاکلو اوریدا په اړه خبر کړي، د منلو نه مخکې به نقشې آنلاین پوسټ کړي، او د ولسوالیو بیرته ټاکلو پروسې په اړه اړوند ټولو معلوماتو لپاره به ټاکلې ویب پاڼه جوړه کړي.

زه پکې څنګه دخیل کیدی شم؟

د ښار شورا پدې اړه د خلکو نظرونو او تبصرو ترلاسه کولو لپاره عامه اوریدا برنامې کوي چې د ولسوالۍ کرښې چیرته وکښیل شي. دا اوریدا برنامې به په لاره واچول شي په:

• چهارشنبه، د جولای 14، ماښام 6:30 بجې د هیل سایډ تفریحي مرکز (Hillside Recreation Center) 840 Buena Terrace El Cajon, CA 92020

   

• چهارشنبه، د سپتمبر 9، ماښام 6:30 بجې د رینیت تفریحي مرکز (Renette Recreation Center) 935 South Emerald Avenue El Cajon, CA 92020
• پنجشنبه، د نومبر 4، ماښام 7:00 بجې د کینیډي تفریحي مرکز (Kennedy Recreation Center) 1675 E. Madison Ave. El Cajon, 92020
• شنبه، د 2022 جنوري 22، د سهار 10:30 بجې د ایل کاجون ولی لیسه (El Cajon Valley High School) 1035 East Madison Ave. El Cajon, CA 92020

تاسې همدارنګه کولی شئ د بریښنالیک له لارې د سپارښتنه شوي پیښ لیک نقشو پشمول، عامه تبصرې او نظرونه هم وسپارئ:redistricting@elcajon.gov

زه نور معلومات چیرته موندلی شم؟

ښار دلته د ښار د ولسوالیو بیرته ټاکلو پروسې په اړه ویب پاڼه لري:www.cityofelcajon.us/redistricting